Sunday, March 21, 2010

மன்றம் வென்ற பெண்கள் உரிமை வாழ்க

ஒதுக்கீடு கண்ட எங்கள்
ஒப்புயர் கலைஞர் தம்மின்
புதுக்கிய புதுமைப் பெண்கள்
புத்தொளிர் வெற்றி வெல்க!
பதுக்கிடும் பெண்கள் தம்மின்
பண்புள உயர்வை நன்றாய்
செலுத்திய சோனியா அன்னை
செரிவுடை ஆட்சி வெல்க!

ஒளிபுகழ் மன்மோகன் சிங்
ஒப்பமாய் உரைத்த பாங்கு
நளினமாய் பாசக நன்றாய்
நாட்டிய பெண்கள் ஊக்கம்!
தெளிவுடை கலைஞர் கோவின்
தேர்ந்த நல்மகளாம் நம்மின்
பொழிவுடை கனிமொழி பேச்சின்
பெற்றிமை கண்ட வெற்றி!


மண்மகள் செயந்தி வென்ற
மாசிலா சொல்லின் ஆக்கம்
கண்மணி பெண்கள் நன்றாய்
காட்டிய பிருந்தா வெற்றி
மன்றமே திரண்டு நன்கு
மாண்புயர் பெண்கள் தாங்கும்
வென்றிடும் முழக்கம் கண்ட
வேங்கையாம் சுசுமா வாழ்க!

இந்திய மன்றம் தன்னில்
இணையிலா உரிமை கண்ட
சந்ததி வாழ்த்தி ஒன்றாய்
சாதித்த ஒதுக்கீடு வாழ்க!
முந்தைய நாளில் பெண்கள்
முடக்கிய மோசம் வீழ்க
சொந்தமாய் இணையாய் என்றும்
சோர்விலாப் பெண்கள் வெல்க!