விண்ணுயர் கலைகள் காக்கும்

பத்மா லோகன் இணையர் வாழ்க

 

தமிழ்மாமணி வா.மு.சே. திருவள்ளுவர்

 

கடமையின் வீரன் எங்கள்

       கவலைகள் போக்கும் தீரர்

உடைமைகள் இல்லா ஈழம்

      உரிமைகள் முழங்கும் நெஞ்சர்

 தடைகளை உடைக்கும் இதழாம்  

      தகுதியின் உதயன் ஆசான்

 உடலின் பாதி என்ற

       உத்தமி பத்மா கணவர்

 

இணையரின் தொண்டு எங்கும்

      இணையிலாப் பெருமை சொல்லும்

 கனையென எதிர்க்கும் ஆற்றல்

      கருணையின் வடிவம் பத்மா

 பணிகளைப் பறந்தே  செய்யும்

       பண்புயர் மகளிர் மாமணி

 பிணியிலா உறவைப் போற்றும்

பதமா இணையர் வாழ்க

 

பேரன் பேத்திகள் என்றே

     பெற்றிமைக் குடும்பம்  காப்பார்

அறமென சுற்றம் சூழ்ந்தே

      அற்புத அன்பின் வடிவம்  

திறமான பங்காரு அம்மா

     திகழ்புகழ் வாழிபாடு கண்டே

உறவென உலகம் போற்றும்

       உன்னத இணையர் வாழ்க

 

பண்புயர் கனடா  நாட்டில்

பரிதியின் ஒளியாய் ஒளிரும்

 விண்ணுயர் கலைகள் காக்கும்

          வித்தக பத்மா லோகன்

 தன்மொழி உலக அறிஞர்

         தலமெலாம் தேடிச் சென்றே

 கண்ணென விருதை வழங்கும்

         கருணையே வாழ்க வாழ்க