கவித்துவ அமெரிக்காவில் கருணையர் விவேகா நந்தர்

தமிழ்மாமணி வா.மு.சே திருவள்ளுவர்

 

இந்திய அருளின் ஆட்சி

     இதயமாய் சிக்காக் காக்கோவில்

செந்தமிழ்ப்  பாட்கர் மன்னர்

       செம்மையாய் அழைப்பைத் தந்தார்

 முந்திடும் இந்திய மக்கள்

       முனைப்புடன் அனுப்பி வைத்தர்

விந்தியம் ஐரோப்பா கனடா

       வியப்புடை  ஆறுத் திங்கள்

 

 கனடாவில் தொடரி மூலம்

       களிப்புடன் சிக்காக்கோ வந்தார்

 அன்பினில் இணைந்த நங்கை

      அணிபுகழ் அரங்கம் கண்டார்

 பண்பினில் உயர்ந்த சொல்லாம்

      பாரொளி சகோதரச் சிந்தை

எண்பினில் அருளாள் இணைந்த

       எழிலகம் இன்றும் உண்டே

 

உள்ளியது எளிது என்ற

    உத்தமர் வள்ளுவர் சொல்லின்

 உள்ளொளி அரங்க மேடை

      உவந்துமே நின்றேன் மொழிந்தேன்

 கள்ளமில் வாழ்க்கை வாழ்ந்தால்

      கவின் புகழ் பெருமை எல்லாம்

 கருணையர் விவேகா நந்தர்

      கவித்துவ ஆட்சி அன்றோ

 

 பள்ளியில் நரேந்திர எம்மான்

     பக்தி இராம கிருட்டிணர்

 வெல்புகழ் அடியைப் பற்றி

       வெற்றி விவேகா நந்தர் 

நல்மொழி கட உள்  நாதம்

     நயத்தகு மனித நேயம்

 வெல்அமெ ரிக்க  மண்ணில்

      வித்தகச் சான்று மாதோ!