Friday, October 25, 2024

 

 

தலைவரின்  கலைஞரின் செல்வம் என்ற செங்கோல்

தமிழ்மாமணி வா.மு.சே.திருவள்ளுவர்

ஆசிரியர் தமிழ்ப்பணி

இயக்குநர் பன்னாட்டுத் தமிழுறவு மன்றம்

 

      இந்திய வரலாற்றில் மக்களாட்சியின் முடிசூடா மன்னனாக வாழ்ந்து மறைந்த பெருமை தலைவருக்கு உண்டு. அந்த பெருமைக்கெல்லாம் காரணம் உண்மையாக உழைக்கும் தொண்டர்களும் தலைவர்களும்தான் காரணம். ஒவ்வொரு துறைக்கும் ஆன்றவிந்த சான்றோர்களை பொறுத்தமாக அமர்த்தி தமிழினத்தை  தமிழ்நாட்டை முன்னிருத்தியவர் கலைஞர். நம் முதல்வர் தலைவர் ஸ்டாலின் கூறியுள்ளதுபோல் சகோதரி செல்வியின் கணவராக இருந்தாலும் தம் குட்டி அத்தானை அண்ணன் என்றுதான் அழைப்போம் என்று பதிவிட்டுள்ளார். உண்மையிலும் உண்மை அனைவரின் அண்ணன் தான்  நம் முரசொலி காப்பாளர் எழுத்தாளர் அரசியல் மேதை செல்வம் அவர்கள். கோபாலபுரம் கலைஞர் இல்லத்தில் பன்னாட்டுத் தமிழுறவு மன்றத்தின் சார்பிலும் உலகத்தம்ழர்கள் சார்பிலும் பூத உடலுக்கு மலர் வளையம் வைத்தபோது எனக்கும் தந்தைக்கும் கண்ணீர் கரைபுரண்டோடியது.

           இதே இல்லத்தில் கலைஞர் இறப்புவரை தொடர்ந்து தந்தையும் தலைவரைக் கண்டு வாழ்த்துப் பெறுவது வழக்கம். இருபது ஆண்டுகளுக்கு முன்பு தலைவர் கலைஞரின் பிறந்த நாளிர்குச்சென்று வாழ்த்துப் பெற்றோம். அப்போது முரசொலிக்கு தந்தை கவிதை அனுப்பியிருந்தார் அது அன்று முரசொலியில் வெளியாகவில்லை. தந்தைக்கு பெரும் கவலை ஒவ்வொரு ஆண்டும் தலைவருக்கு வாழ்த்துக் கவிதைஎழுதி முரசொலியிலும் 53 ஆண்டுகாலமாக வெளிவரும் தமிழ்ப்பணியிலும் வெளியிடுவோம். அன்று தமிழ்ப்பணி இதழில் வெளியிட்டு கலைஞர் திருக்கையில் வழங்கி வாழ்த்தும்பெற்று வெளியில் வந்தோம். கீழ்த் தள வாயிலில் அண்ணன் செல்வம் நின்று கொண்டிருந்தார் நான் அண்ணனிடம் தமிழ்ப்பணி இதழைக் கொடுத்து விட்டு முரசொலியில் வெளியாகவில்லை எனக் கூறினேன். உடனே தொலைபேசியில் முரசொலி ஆசிரிய குழுவிற்கு தொலைபேசி செய்து ஏன்பெருங்கவிக்கோ கவிதை வெளிவரவில்லை  என வினவினார் மறுநாள் சிறப்பாக வெளியிட்டனர். தொண்டர்களை கவிஞர்களை சான்றோர்களைக் காக்கும் செங்கோல் நம் முரசொலி செல்வம்.

   அதிமுக ஆட்சிக் காலத்தில் பால்கமிசன் அறிக்கையை முரசொலியில் வெளியிட்ட தற்காக சட்டமன்றத்தில் கூண்டில்நிறுத்தி தண்டணை கொடுத்தனர்  புண்முறுவலோடு ஏற்ற இதழாளார் கோமகன் நம் இதழாளார் பெருமை செப்பும் புரட்சிச்  செங்கோல் நம் முரசொலி செல்வம.

     கவிஞர் இறைவன் முரசொலியில் பணியாற்றியவர் எங்களது குடும்ப ந்ண்பர். பின் மின்வாரியத்தில் பணியாற்றி கழக க் கண்மணியாக வாழ்ந்தவர் .தற்போஒது அச்சமில்லை இதழின் ஆசிரியராக உள்ளார். அவர் சாலையில் நடந்து சென்றகொண்டிருந்தபோது மகிழுந்தில் சென்று கொண்டிருந்த செல்வம் இறைவன் இறைவன் என அழைத்து நலம் விசாரித்த மனிதநேயர். பின் தனக்கு சாலிகிராமத்தில் மனைவாங்குவதற்கு கடன் வசதி வேண்டுமெனக் கூறியபோது பெரும் முயற்சியெடுத்து அந்த கடன் வசதியை செய்து தாம் சொந்த வீட்டில் வாழ உ உதவியவர் செல்வம் என்று நன்றி உணர்ச்சியோடு. குறிப்பிடுவார் .முரசொலியில் பணியாற்றிய இறைவன் அவர்களை மனித நேயத்தோடு கண்டு  உதவி மக்கள் செங்லோலாக வாழ்ந்த பெருமகன் நம் முரசொலி செல்வம்.

      முரசொலியில் சிலந்தி எனும் பெயரில் கண்டனக் கனைகளை எழுதி தொண்டர்களுக்கு உணர்ச்சிப் பிளம்பாக கட்டுரைகளை வழங்கிய இதழ் புரட்சியாளர் செல்வம். தொடர்ந்து முரசொலியில் எழுதி நூலாக வெளியிட்டார் அதை முதல்வர் பெருமகன் வெளியிட்டு புகழாரம் சூட்டினார். தமிழ்ப்பணியிலும் வெளியிட்டு ஐயாவிடம் வழங்கினோம். தொலைபேசியில் பேசியில் பேசும்போதெல்லாம் மறுமொழி வழங்கிய இல்லோர் செம்மல்களின் செங்கோலாக வாழ்ந்த முரசொலி செல்வம் இழப்பு பேரிழப்பு. தலைவர் முதல்வர் ஸ்டாலின் கூறியதுபோல் தாம் சாய்ந்த கடைசித் தோள் அவருக்கு மட்டுமல்ல இந்த  தமிழ்க்குடிக்கும்தான். பன்னாட்டுத் தமிழுறவு மன்றம் சார்பிலும் உலகத்தமிழர்கள் சார்பிலும் ஆழ்ந்த இரங்கல்.

No comments:

Post a Comment